LAI MAI



Tupna ngimna khat i khalsuan aa leh sum le paai thu i theihsiam di kisamh hi.....
SUM LE PAAI TAWH KISAI THU GENTEHNA TAMPI TAK AOM HI.

  • Sum pen zangh thei leng, zatui hi.
  • Sum pen zangh thei kei leng, vu hi.
  • Sum in sal hoih mahmah khat ahih bangin, To ginalo khat zong ahi hi.
  • Na lawm khat na gal di'n nadeih leh, sum leitawi in..!
  • Na lawm khat sum na leitawi khak leh, sum leh lawm na sumh di hi.
  • Hauhna in pupate' lamsaina munkhat hi aa, zawnna in mi omlohna khuamun khat ahi hi.
  • Sum na neih laisung teng kholhpih lawm le gual na hau di hi.
  • Sum tawh kong vang khempeuh kihong thei hi.
  • Sum neihlohna in locinng zaa laizang aa, din tawh kibang hi.
  • Sum cil inla, paai khol in.. avang neuno khat tawh zong tembaw pi tum thei hi.
  • Sum ii melhoihna in, piakkhiatna ahi hi.
  • Hauhna liatna in eklei tawh kibang aa, sawt tetek leh a gimnam kiza khia aa, ankung singkungte gahphasak hi.
  • Laisiangtho/Christu in mihau khat vantung gam a lut di sangin, saaipi khat phim bil vangah khum baih zaw di hi.. ci-in a nungzuite tung a gen hi.
  • A zanng sumbawm in, lungsim gik sak hi.
  • Sum in mihing khat pen Tan khatlai dinmun tawh kibang sak hi.
  • A taktakin cileng mipilte ii tatzia pen sum zon di hilo zawin, a kizong thei sum pen maan takaa zat theih nadi ngimna hizaw hi.
  • Sweet Den minamte in khat veivei ciangin nasep zondi lunglut khollo uh hi. Bam cihleh amau nasem takei uhleh hamphatna ngah uh ahih man hi.
  • Na sumbawm sung leh na lungsim sung kuamah musak ngei kei in..    
                                 (Pope John Paul II )
             Na ngimna na tupna khat na kalsuan ciangin sum le paai pi-et pimuh tuanse kei inla, zong neu-et tuanse dah in..!  A kilawm kituak di-in zangh in. Na ngimna natupna ah sum pen na lawm hisak in..! Na gal hisak kei in..! Ahi zongin sumlo tawh tupna kitung zolo hi, cih ngaihsun ke'n.! Na belh di na "Nu" in; na khut nih, na khe nih, na mit, na nakh, na khuak, cihte pen na suah limhaa, hong guatsa na pianpih ahi lam phawk gige in..!Hih lai nasimna hang tawh sum zat dan nasiam lecin bel.................. $

2 comments:

Subscribe to: Post Comments (Atom)