1) Numeite' khuak pen pasalte' khuak sang neuzaw cih hang; pasalte sang thu ciapteh theihna pen 3% sangzaw kici hi. Ahiang numeite in ka lawmngaih pa pilzaw ciimzaw acihnop manin mi lakah kihaisak kimawlsak uh hi.
2) Numeite pen sikhuup tawh kibang aa, amau' mai-ah zuaukhem di hamsa mahmah hi. Numeite' khuak pen pumpi kampau ( body language ) tel zawhna lungsim nei uh ahih manin tua duangsuah hek dan tawh pasalte khem zo mahmah lel mawk uh hi.
3) Numeite in munkhat ah thu agen ziahziah uh hang akhua nungah ngaihsun teetaa uh hi. Pasalte pen tuh dan hilo ahih man, numeite kamtam thugen phuuakphuuak kawmlaawt ci in ngaihsun uh hi.
4) Numeite in amau' lungkim lohna, lungkhamna pen a genkhiat limhlimh uh lungsim vanh zanng tuam mahmah danin a ngaihsutna uh hi aa, pasalte kiang pan thukuppih di a lunggulh man uh hilo zaw hi. Amau lungsim pholaakna a ngai di mi aom di thupi lel mawk hi.
5) Pasalte in a lawmngaih uh a ngaihna a lungsim puakzia pholaak khia theilo uh aa, lai in zong at theilo uh hi. Tuh ahih manin lawmngaih khat letsong pia di ahi zong lai-at a kul nawnlo lim khawng peuh teel thei mawk uh hi.
6) Numeite' lampan kikhen di kammal ong luankhiat pen pasalte' letsong piak kicing sa zolo hilo zawin, pasalte itna kicing sa zolo hizaw hi.
7) Numeite in nikhatin kammal tul 20 thu gen uh aa, pasalte ahih leh tul 7 khawng bek zangh uh hi.
8) Lawmngaih tawh a senpylo numei pen na zong limh takin sem theilo aa, nasep a senpylo pasalte ahih leh lawmngaih peuhmah lunggulh hetlo bilbel hi ey.....
9) Pasalte in hun khat sungin nasep khat bek sem thei uh hi. Gnthna: : Mawtaw set khak photin lamlak gamlim ( GSM ) en theipan mawk uh hi. Numeite ahih leh hun khat sungin na tampi tak semkawm thei uh hi. Gnthna: : TV enkawm; phone kihokawm; khutcin khawng tankawm cih bangin om thei uh banleh, phone kihokawm khawngin an/meh huankawm thei uh hi.
10) Pasal atam zaw pen a lawmngaih tawh vanhlei ( shopping ) paikhawm uh leh, minute 20 khit khawng ciang a lungsim sungvuah bangmah om nawnlo ziau thei hi.
11) Pasalte' lungsim sungah 15% pan 20% ciang numei lungsim vomm uh aa, numeite ahih leh 10% khawng bek vomm uh hi. Tuaih man pasal le pasal ki lunggulhna pen numei le numei ki lunggulhna atam zawk ziak ahi hi. Pasal khat pen atawm atam numei lungsim nei ciat veve uh hi.
Sum le paai nei pasal inn ciah nuamlo hi.
Sum le paai nei numei pasal nei nuamlo hi.
Sum le paai nei pasal lo no bek duh hi.
Sum le paai nei numei amui bek khawi uh hi.
Sum nei leng, vang nei leng kawk bangbang tui suak hi.
Sum neikei leng, vang neikei leng kawk nana tu suak hi.
Sum le paai neite a di'n lungsim bei zah liangh dong dia thu pen huaiham man hilel hi.
Sum le paai neilote a di'n lungsim bei zah liangh dong dia thu pen sum deih man hilel hi.
Sum neite thu a genuh ciang kiliatsak huai gen uh aa,
Sum neilote thu a genuh ciang nuihzakhuai thu gen uh hi.
Pasalte' kum le meel pen hangsanna tehci....
Numeite' kum le meel pen lungkimna tehci....
Na minthan nopaa leh hamsalo hi, mi' muhdah theihtheih nasem peuh lecin;
Na vangliat nopaa leh hamsalo hi, mi' deih theihtheih nasem peuh lecih.
Vangliatna di hamsalo aa, tuh vangliatna i kep siam di hamsa zaw hi.
A kuhkalte kuamah'n mawhsaklo aa,
A kamtamte kimawhsak zaw hi.
Ahoih pianna di in hunkhat kisamh aa,
Asia pianna di in minute khat zong kisamhlo hi.
No comments:
Post a Comment