Nung aa bel lawmngaih nei numeite hun i piak leh pawlkhat bang lungsim sukhalua keei phial i hia leh... Hehee!! Tanbang kim ciat di'n tutung pasalte ading hong at leuleu ingh.
1-) Lawmngaih nu te'n Shopping pai ding khawng hong kut ciang sum neilo, manlo cih bang aa i nial pen (a taktakin lawm le gual tawh zudawn, bawhlung suih et nop man aa) lawmngaih nu nial.
2-) Lawmngaih mai-ah khamhtheih guihtheih, {kunzaa, zaa, zakaang}a tuamtuam i zat pen ih lawmngaihnu zong natna a va piapia suak hi hang.
3-) Ih lawmngaihnu noh ding ut pian aa anuak hun tak ciang; hehnuam gaugau aa neukha peuh tawh nuak lel tak ci aa i va mawhsak te.
4-) Ih lawmngaihnu lungneu thaneem aa aom laitak; na mai zong gum den keei sie leh maitai ngei mahmahlo kei tawh na kithuah khop nuamhsalo maw leh ci aa i phun theih dante:
5-) Ih lawmngaihno in letsong neuno khat ahi phial zong kipia tuak ding cih khawng hong nget ciang; thupi mahmah kei e i lungsim sungah i kingaih ding thupi lel veh aw cihte pawl.
6-) Ih lawmngaihno hun i piak ding sangin Bawhlung suih et/ ei nasep bek khawng tawh hun i piak ziau dante:
7-) Ih ngaihno in mailam thu ding hong kuppih ciang awlmawh bawl loin a hun hong tunciang hong piangpiang lel na ve Pasian in hong gelsak buanglo dia ci aa thadah man kiphelh ziauna kammalte pawl:
8-) Ih ngaihno a nasep pih pasal dang tawh nasepna tawh kisai a kiho a kithuah pen telsiam loin; nang kei theihloh kalaa midang khawng tawh na kithuah zilzial ci-in muanmawhna lungsim tawh i mawhsakna kammalte:
9-) Lawm ngaihno vai khat peuhpeuh tawh hong nuak tak ciang ei mawhna ahi zaw phial zong pasalte' lampan no kik masak ding sawm loin, naupang vai aa kinuak dan khawng kidem bawl lianluan:
10-) Ih ngaihno in numei dang khat tawh i kizuih keei khawng hong theih tak ciang hazatna lungsim tawh hong nuak tak ciang; Aw......... hihpen numeite ii ngeina hi e kei hong ngai taktak ai ve maw, ci-in i telsiam ding kawmkal: Nang kei hong muanglo vial maw, kong ngaihna hong thusim kei sam cei cih kammalte:
11-) Ih ngaihno ei ading aa hong kizem siuhseuh pen; Aw,,,,,, ama' hoih lam kei hong musak den nuam hiveh ee ci'n i ngaihsut sak ding kawmkal: Nang kei om pipi khawng midangte hoih sak di na lunggulh man aa bang kizem siatsuat na hia cihmah:
12-) Ih ngaihno in phone khawng hong set ciang deihsak namel thei loin thupi ngeilo phone sum bei ding tuath khual sak loin thu gina lo pi khawng gen nianua:
13-) Ih ngaihno' facebook sungah pasal dang khat va hawh leh tua pa pen thu omlo pi khawng aa phin nuam pah cihte:
14-) Ih ngaihno in Gmail zangh khawm nuam hang ci-in password khawng hong nget leh thusim teng kilangh inteh cibang keek khatin i nial theihna:
15-) Ih ngaihno in koi ah om nahia? ci'n hong dot tak ciang ( Beer sai sung hileh dailenbuk sung tai gegaa zawzen in; Ee.. kei ansai ah om ingh ey an ne laitak) ( Massage sung hileh lah; Ee na khawl pak o maw Boih vai thupi khat nei ungh den ciang hong sam kik ning maw) cihte pawl zuau thu i gen theih zelte:
16-) Ih ngaihno ii facebook sungah a hawh dan khat buang a lawm le gual teng khawng tawh ki maingap bawl gawp in hun khat ciang utbangaa paupih gawp ekh cih khawngte:
17-) Ih ngaihno tawh khual gamla ah kikhen hun ciang nasep paulapin internet tut ding chatting ding pelhem den keeinate:
18-) Ih ngaihno in ei tawh kimuh ding kiciam khit ngingei ciang ciampel ziau; ( numei cidamna hoih phalo ) bang hizezen leh pailo ziau cih khawng ngaihno i va hehnep ding sang en vai nawngkaai khat zong masa behlap cihte:
Leitung mihing ci le sa; lungtang tek tawh a ki nungta hi aa, a vek khuatangin kuamah zong picing zolo ding himah hi. Hih kong at zenzen hang lai-atpa keimah mah zong lawmngaih lawmho cih tawh a kithuah keei hi'n mi' lungsim va en kawikawi cihna hiloin; kei ii muh khak leh lawm le gualte mah ii hong gen ngei thu teng kong at hi. A zenzen in no lungsim no dinmun khat tawh a kituah khak zenzen leh zong hehna thangpaihna'n nong neih sakloh ding kong thumm nuam hi. A ki-it a kingai "Lia le Tang" munmuang sawlbang hei-in nunnuamh vabang na leeng khawm ciat taun.
Lungdam.
No comments:
Post a Comment