Pasal kihuaite in lawmngaih a nei sam mah zongin akihuai numeite pen kih mahmah se hi. A siangtholo numeite' inn deikhan sung pen ninbung puakkham mahmah bang keei aa gamtat nadi na ngawn omlo liangh hi. Vanh khat mansuah leh zong zon di hamsa sa hi. Tu bang numeite pen a pualam vakkhia leh zong a puanak ip sung pan "tawhtang" khawng zon hamsa mahmah aa, a puan silhte zong hentum sa bang hi.. A puan tungsilh zong a kilhna khawng taikhia in, a puan khuinate zong vom ngennganh lai hi. Khutcin khecinte zong vom ngennganh ban leh a cin sanzaa nuhte zong mial niangnuang lai sawnsawn hi. Asuk pha diak ah thu ong gen ciang a kam pen ekbuk lawng gim nam hiauhuau thei mawk aa.....
(2) Mi gensia NumeiBMW company pan a kithoh mawtaw te pasalte in a deih mahmah uh hang bel BMW ( Big Mouth Women) numeite pen pasalte in lauhuai sa pha mahmah mawk uh hi. Tu bang numeite pen inn khat khit inn khat lengla kawikawi in vak uh aa, an nek huh nangawn mangngilh thei zo hial mawk hi. Khat veivei a thugen te maan hi, ci-in pasalte khawng peuh a up theih nadi in mai-et bawl thei zaw lai hi. Pasal pawlkhatte'n a thugen na um kei sawnsawn leh amah le amah peuh amaan hi'ng ci-in ki anngtang sak dep lai hi. Tua bang numeite peuhmah zi di-in na neih khak le teek le mo bel asawt loin galpi nihna tung pah liann di hi. Mi gensiasia, mi sutuahtuah, thumaan genlo numeite pen pasalte bek thamlo adang numeite mahmah in zong pelh bawlin i kidop siam mahmah di ong hanthawn pha nuam lai ingh.
(3) A kamtam Numei
Hih bang numeite pen thu a gen tak teh ama' gennop bek peuh gen thimthum ziau thei mawk hi. A gen huailo thu le la nangawn, gen di aa kilawmlo mite tungah zong gen ziau mawk hi. Naihuai tanau sanggam u le nau kikaal ah maizum theih nadi vang neu thei nadi zong bawl ziau thei mawk hi. Amah le amah hoh tei kisa lai mawk tazen..... !!
(4) Na tehkakhat NumeiHih bang numeite pen lungsim ong nawngkaai sak phadeuh numei ahi hi. Na khempeuh tehkak mawk hi. Numei dangte ii lawmngaih (ahkh) pasalte khawng tawh tehkakin ama' pasal gina kei..! ci'n kawk vauvau liangh khawng thugen thei numei ahi hi. A taktakin cileng a gina a kician pasal amah'n a teel di'n kilawm aa, a ginalo a kicianlo pasal/ lawmngaih tawh a hansuah di'n kilawmlo zaw hi. Midang khawng tawh tehkakin ko di kisamh hetlo hi. Ei le ei teel ahih ciangin ei le ei mah i kimawhsak di hizaw hi. Mihing khempeuh kivakna siamna khatciat kinei kiim hi. Pasal khat ei le ei upna muanna bei zah dong di'n midang khat tawh tehkakin ko gawp di kullo hi. Tu bang pasalte kann aa a kammsia di mihing omlo phial dektak hi.
(5) A awtol/ a kamkhauh Numei A kamkhauh numeite pen nasepna ahi zongin kimm le paam ahi zongin kuamah tawh a kiho theilo numei ci-in minthang vanglak hi. Vanh khat peuh va lei ahi zong, zusiim ansiimna khat peuh ah va pai leh zong mi tawh kitawng mahleh a lungkiim numei ahi hi. Tua bang numei tawh inn kongpua pialkhawm leng a thei ngeilo peuh ong kibawl aa ei tawh a kigamla theithei khawngah omnuam lai hi. Neukha peuh kitawng pahpah kamkhauh pahpah numei khawng na lungsim na mitkha'n na nei ngei na? Tu dan numei tawh kiten sangin amah zah aa ahoihlo, a pillo, numei mawkmawk khat peuh ki teel zaw hamtang di hi.
(6) Mi hazathat Numei.
Mi hazathat numei icihte pen midang a uploh mah bangin amah zong uphuailo pah hi. Pasalte naak theilo liangh zah dongin a uk zihziah nuam numei zong hi citciat se lai hi. Muanmawh nadi thu khat aom nakhleh thudam aa gen di ngak masa loin nuak di bek mah ngaihsun masa vetvat mawk uh hi. Ama' lawmngaih/ a pasal ii lawm le gual te zong ama ii ngaihno tawh kithuah di khawng deihlo ahi man lawm le gual in zong tuabang numei tawh a kithuah pasal pel pah uh hi. Tua bang ciang numei in a pasal zo kisa mahmah aa lungnuam hiuhiau zenlai hi. Mihing i cih ciangin pawl le gual tawh a nungta nam ihi hi. Huih dik nadi mun khat nangawn sitlo aa ukna anei nuam numeite pasalte in pel pah uh hi.
(7) Ahai Numei
Adalen tangthu na sim kha ngei taum? Tu tangthu sungah Adalen ii zihai in a theihloh a telloh thu a pasal dongh lopi-in lalcin meivak haisia beelsia ci in beelsia lei te zuak ngei hi. Tua bang numeite pen vanh tungah hi taleh ngaihsutna lamah hi taleh khem thuak baih mahmah uh hi. Tu hun ciang tua bang numei aom lai diam? Pasalte in numei pil numei teite a pimuh mahmah uh hang numeihaite pen dongkhak mahmah khatin mu uh hi. Numei khempeuh ei le ei ki pivang sak kulaa, ei le ei ciimna tawh ki muanna lungsim adim aha aa neih ong kul hi. Mi' hehpihuai sak di ut man khawngin ki haibawl di hun hilo hi. Ahai khempeuh kimawhsakna omlo hiloin, nawlkhin tuak di cih pen ahi ngiat hi.
(8) Khutzat hang Numei
Sum zangh setpi ( Shopping Mechine ) bangaa numei pawlkhat pen kisamh taleh kisamh ta keileh vanh lei hang mahmah numeite ahi uh hi. Pasalte pen numei tawh kithuah khop di laulo mah napi un, vanh hoih nono atam manh theithei khawng a uuk numeite adi'n a ip sungpan sum a paih khak di uh nasa mahmah uh hi. Neih le lamh bek a lunggulh numeite pen ngaihsut ngimna tam neihlo uh aa lungsim moi numei ahi hi. Angsung bek thei uh hi. Lungsim pukbaih uh hi. A deih khat a ngah nadi'n a pumpi zong itsitlo in, huaihamna bualsungah omcip thei uh hi. Muh bangbang a lei nuam numei tawh sai paikhawm pasal khat pen a lungsim sungah sum pammaih salua ahih manin a kik di ngaklah nawnlo uh hi.
(9) Kikhen di cih khawng a gen ziauziau Numei
Bang mahlo thu khat peuh tawh kikhen di khawng a ci ziauziau numei pen a khen ham mahmah numei hi citciat sese hi. A tawntung kikhen di cih kammal pen ama' zat ngei dan khat ong suak kik zaw bilbel hi. A zenzen in a pasal lampan kikhen di cih thu omleh pen kap gawpin saang zo mahmah lohi. Kikhen di cih kammal pen a thuak ham mahmah liamma khat ahi hi. A gen mi in a ki ngeinaseh lel mawk hang a thuak a za nu/pa a di'n lungsim tamzan zah dongin thuak hi. Tua kammal pen lungtang sungah saibawk hi. Kikhen di leh zong tha khat thu aa khensat vitvet aa kikhen suk pah lel leh thuak nuamh zaw di hi. Kikhen di vive kammal tawh alang a zawhthawh bawl mi pen lungsim kicianlo mi a hi taktak hi.
(10) A kingeksak/ a leiiko Numei Numei khempeuh a kingeksak pen angeina hi. Ahiang a kingeksak lualiangh numei pen muhdah huai zel hi. Tua bang numeite pen a tawntung maibiak ngai, mite ii thusim di bek a ut numeite ahi hi. Mite' mai-ah thu khat gen leh zong a kam hong nuam hong nuamlo sim bang khatkeek aa thugen thei mawk hi. Tu hun numeite pen mi' hehpih di mi' diksak di ut man khawngin kineem ngawingawi sak di hi peuhmah lohi. Pasalte tawh kikim zokei mah zong pasalte mah bang phialin gamtat kampau luhek di hun hita hi...... cih tawh....... Lungsim tawh kituaklo gen khialhna aom leh Topa' mintawh ngaidam.... Mai kaalah pasalte' thu ong at kik vang..
Lungdam.
Hunpha.
No comments:
Post a Comment