LAI MAI

Pasalte Ukzia

Numeite in Pasalte a ukzia uh nam 4 om hi.
 
1. Anlim mehlim nono tawh ukzia. (Gilpi ukzia)
2. Sum le paai tawh ukzia.
3. A pasal/a mi mahmah ukzia.
4. Amah le amah a ki ukzia, cihte ahi uh hi.




1. Anlim Mehlim Nono Tawh Ukzia (Gipi Ukzia)
  Hih nambat 1 a zangh numeite pen a thusiam penpen numeite ahi uh hi. Hih bang numeite zidi aa aneikha pasal pen hampha mahmah uh hi. Amah in a pasal adi bek mah deihsakin telsiamna suahtakna apia ngiat numei ahi hi. Ama deihna pen a anhuansa lim mahmah pen a pasal in nisim inah a nek zawh den nadi, inn lak khawngah anne zune aa aom loh nadi angimna pen ahi hi.
2. Sum Tawh Ukzia.  Hih nambat 2 a zangh numeite pen a kiteisak mahmah numeite ahi uh hi. Sum ih cih in Pasalte ii nuntakna, Pasalte ii kiphatsakna lungtang ahih teh, pasalte pen sum le paai tawh uk lehang in ki uk zo pan hi cih; ana ummawh numei pawlkhat om aa, numei kimkhat te in hih ki ukzia pen zangh mahmah se uh hi. Amau ii lungsim sungah sum tawh na khempeuh manlang takin kizo thei hi cih, ana ngaihsun kha uh hi.

3. Ami Ukzia. Hih nambat 3 na a zangh numeite ahih uhleh ngaihsutna tawm, ngaihsutna picing nei khollote ahi uh hi. Pasalte tungah suahtakna hunpha peuhmah pia ngeilo uh aa, khau tawh khih bangin lencip nuam mawk uh hi. Pasal kici peuhmah bawng nakpheh bang aa numei khat ii deihdeihna ah ki kai thei ngeilo zuinuam ngeilo uh hi. Hih ki ukzia a zangh numei peuhmah pen a innkuan sung nupa kaal mual mongah a tum diaidiai ta cih theih di'n kilawm hi.
4. Amah le amah Ki Ukzia. Hih nambat 4 na a zangh numeite pen lungsim picing thukhual mailam thudi saupi akhual inn sung summpi pomte ahi uh hi. Hih bang dan numeite in ahih uhleh; Leitungah bangmah akho omlo aa na khempeuh mitphiat kalin zong mang theihi cih a na ngaihsun a tel kician khate ahi uh hi. Pasalte an neklim tawh ahi zongin, sum le paai tawh ahi zongin, a mi mahmah ahi zongin, ukzo cingzo kemzo in, keilekei ki uk ki kem zo keileng'n amatlap bang omdi ahiam, mihing aa pian a khiatna nei ke'n teh ci'n ngaihsutna picing anei numeite ahi uh hi.

    Numei khat aa pianna in keilekei ki uk ki kem zo di. Midangte adi aa a nungta hilo zawin, kei adi aa a nungta hizaw, keilekei kivak zo di, mailam kalsuan zodi, lungnopna a zong thei numei kahi hi ci-in kiphawk thei numei ahi hi.
   Na khempeuh lungduaina tawh ngaisiam telsiam maisak zo di. Tuh bang numei ii lungsim pen hi hithiat hi. A pasal bangzah ta'n haumah neimah lammah tase leh kiphasak pih gual tungtuan pih na'n neilo aa, a sep a bawl khempeuh lungkimna omtakin a zo siangden numei pha kici hi.
    Pasian thu hatin Pasian zahtak aa aom numei in, a pasal in hanmual a liapsan phial zongin, a lawmngaih in gibang khen mah zongin, a piang bangbang maigumlo takin a mainawt numei ahi hi. Banghang hiam cih leh, ama ii nuntakna in pasal adi hilo, lawmngaih adi zong hilo, amahma adi ahih lam kiphawk gige hi....


 KOnGit LiA le Tang.....
Nang bangci dan numei nahi aa....
Nang in bangci dan numei na zi di-in laksawm nahi hiam...?
Lungsim tawh kituaklo aom leh ih Biak TOpa' minin ''' Ngaidam"""" &&&

No comments:

Post a Comment