Numeite ii theih khakloh Pasalte ii lungsim thusim ong at ingh... Pasal hihna tawh zulesa ne in lungkham sinkham gualnuam in gamtatna khat peuhpeuh panin tampi tak thumuhna i lak kiim theih di ong hanthawn nuam ingh.
Pasalte ngeina pen sun thapai ciamnuih genin kheltat thei mahmah napi un/ zan a lupma diakta un, a lunggulh a paktat uh numei pen ngaihsun den hamtang uh hi. ( Kei ong phawktuak ngeikei teh ci'n na kimawhsak nawn kei un..!! :-/ )
Pasalte pen numeite ii ummawhna zah sangin lungsim ngaihsutna khauhpai zaw hamtang hi. Nopna dahna khat peuhpeuh numeite sangin a lungsim uh sukha zaw/ nasa zaw uh hi.
A lungsim sunguah a lawmngaih numei khat pen ummawh sangin hun tomkal sungin a ngilh di uh hamsa mahmah hi. Na khat peuhpeuh a kibangin thuakkhawm di lunggulh mahmah uh hi.
A lawmngaih numei nu ii nuihmai, maitai na pen a lungsim sunguah zen mahmah uh aa, lungkiim mahmah se uh hi. A lawmngaih numei nu bek tawh kihopih di ut se uh hi. Hansuahna hamsatna khat lungsim ong pulaak uh pen, a thungen uh na ngaihsak di a lunggulh bek hi aa, tuci in! tuci in! ci aa thu na sun di a deih uh hituanlo uh hi. (Tuaih man pasalte'n thu ong gen leh dai takin ngai sak khinkhian lel lecin.. :)
Ci tatak leng ong ciamnuih ong phin uh hang zong, ong ngaihna ong laknuam selua na hizaw uh hi. A tawntungin numei ii ngaihna sangin pasal ii ngaihna lianzaw hamtang hi. Numei khat hoih tak ey..! Ithuai tak ey! a cih nakleh bel a lungsim sungtawnguah a ngaihsutna ong genkhia hipah hi.
A zenzen in numei khat tungah khialhna kampau khialhan gamtat khialhna khat a neih vualeh, ni tampi ngaihsunsun mai uh hi. Ahih keileh tuh nu tawh a kimuh kik dong mah ngaihsun phial uh hi. Bangmah thugen neilo aa aom deedaa uh leh, a lungsim sungauh thu thuk mahmah a ngaihsun uh hi. Pasal khat bek in thu le la khat peuh lemh theilo uh hi. Khialhna khat peuh ahih nop uh hangin khial mah ing mawh mah ingh acih di uh hamsa sa mahmah mawk uh hi. A lawmngaihnu ii muandi a ut manun buaina khat peuh kuamah ii theihloh kalin veng sak nuam ngiat uh hi.
Numei khat tawh a kikhen khit zawh uh kum bangzah hiam khat asawt phial zongin, Pasian kiang a thunget uh tangtung liann di hileh..... tuh numei tawh dawnbang tuah kikdi bek mah ngen dendi uh hi.....
Hi maw,, hilo..? cih nang le nang na lungsim na ki en inla, na khensat phot in..
Lungdam. :)
No comments:
Post a Comment