Genthna:  : Kei aa bang ka suahni:  19-12-1986 cih dan hi-in, a sungah nambat mal bangzah paa cih nang le nang na sit inla,  nang aa zong na suahni tawh na en kak lecin.. cimphawng peuh ee maw..
Leitungah lungsim vomzia/ lungsim puakzia pen apuatham et tawh maan khin zolo hi, cihnopna ah i lungsim pen ahoih lam hitaleh aisa lam hitaleh hek theih bawl theih hilel hi. Ahi ta zong a bawllo a heklo te bel 100% ah 70% bang bel maan mahmah mawk hi. Tu aa pen mel lamsang hilo zawin, suahni, suahkha, suahkum te tungtawnin ki en thei veve hi.

• Suahni nambat (1) mal 1 a paa te; thugen siam aa, mi khat ii ngaihsutna peuhmah awlmawh mello hi. A thugen te zong lungtang sung pan ong pusuak hilo hi.

• Suahni nambat (1) mal 2 a paa te; mal 1 a paa te ii gamtatna ahi zong, midangte ii muhna khempeuh a telsiam mi ahi hi. Tu ciang midang gamtat a ciing mi hi aa, alang le alang a kikim di gel den mi ahi hi. A thupi mahmah lungsim neipuakzia neite ahi uh hi.
• Suahni nambat (1) mal 3 a paa te; kammal, laimal, lai-at a kiva a siam mahmah uh hi. Santheih di lunglut theih di in lai-at thei hi. Lai-at siam jounalise i cihte pen hih nambat neite ahi uh hi. Pawlkhatte leuleu kampau siamlo, ahkh kampau kidawm theilo cih khatin om uh hi. Athu ah bel khuak hoihte, lungnuam tak aa aom thei te ahi uh aa, amah tawh a kikim mite bek tawh kikhawl kitenng uh hi.
• Mal 4 tungsiah apha te ahi uh leh; lungsim pumpi gamta phuatphuat uh aa, anaa cih khawng a zangh thei mello te ahi uh hi. Lungsim khuak manlang mahmah uh aa, gamtat luhek zong manlang uh ahi manun, midangte ii etkhialh khak di'n om kha pahpah uh hi. Mal 5 apha te pen gitloh di lunggulh mahmah uh aa, nek le dawn tawh vu suakin gamtat khial thei uh hi. Khantoh nadi lampi zong uhleh a gualzo a minthang suak thei uh aa, zong kei uh leh angsung khual mi suak thei uh hi. Mi tawh kiho nangh mahmah uh aa, lungsim cia in nasem uhleh a lawhcing mahmah mi ahi uh hi.
• Suahni nambat (2) mal 1 a paa te; Mi khat amuh uh leh, tuh mi pen a etziau tawh a lungsim puakzia a dinmun a thei thei ziau mi ahi hi. Mit et ziau tawh mi lungsim hoih di leh hoihlo di khentel thei uh hi. Lungsim ngaihsutna zong athuk phadeuh mite ahi hi. Lungsim kikep zawh keileh pumpi zong sukha zo tuanlo di hi.
• Suahni nambat (2) mal 2 a paa leh; Ngaihsutna sang mahmah thei aa, lungsim thuk nei-in kuhkal uh hi, hih tinten uh hi. Midangte adi'n zong a kizangh le a mannei mahmah mi ahi uh hi. Ahiangin sepna khat peuhpeuh ah lungsim muanmawhna lunghiangna tuak den di hi. Nasep khat peuh hangin kimm le paam nawngkaaina suak sak thei di hi. Mi' vai ah buaipih kei in. Na kihel leh a kiphelh zolo zah dong thupiang thei di hi.
• Suahni nambat (2) mal 3 pan a tungsiah; Nuntakna sungah a nawngkaai, a buaihuai di thulela khat peuh sem kha bawl khakna hangin kammsiatna tawh kithuah thei di hi. Lungsim ii deihna gamtat khak di kidawm mahmah kul hi. A diakdiakin lungtang sung a sukha di vai tawh kipel hamtang di. Lungsim ngaihsutna khauhpailua ahih manin taksa in sileel di hi. Meigong suak thei di hi. Deihsakna khatin bel music tumging lamsang uukin zui leh hoih penpen di hi.
• Suahni nambat (3) mal 1 a pha te; Ngaihsut gelna sunmang ahoih mahmah neite ahi uh hi. Sepkhakna nei ngeilo uh hi. Mi picing mihau milian mipil misiamte a lamsang a pahtawi a kem a khoi zo tawntung te ahi uh hi.
• Suahni nambat (3) mal 2 a paa leh; Mi tawh a kibang lo theithei in om uh hi. Tangpi nasepna khat peuh mah a man siang dong sem uh hi. Ngaihsutna leh thugel siam mahmah uh hi. Lai-at siam uh hi. Mi tawh kihona ah khat veivei hamsatna tuak thei cih ciamteh in.
• Nambat mal 3 phak leh; Ngaihsutna leh gamtat na kizawitawn ngeilo aa, a piang theilo di thu ngaihsut aa anei den te ahi hi. Sakhi manlo ngaltang tumh te ahi uh hi.
• Suahni nambat (4) mal 1 a paa leh; Pawl le gual huai zo te ahi uh hi. Mi tawh kikhawl thei in mite ii thusun ngaihsutna khat peuh a saang thei minam ahi hi. Khut siam uh hi. Tum theih tuamtuam siam uh hi. Lungsim hoih nei uh hi.
• Nambat (4) mal 2 a phak leh; Kipawlna ah muibun uh aa, nasep khat peuh apat pan atawp dong sem uh hi. Uuk man ahi zongin nasep cih man ahi zongin a picing aa nasem zo mi ahi uh aa, khut siamna kivakna tampi zong nei uh hi. Amaute tawh kizopna ah kician takin gamtat di kisamh aa, simmawh zawhin zong omlo uh hi. Amau' mai-ah silhleten siantho di deih uh hi.
• Nambat (4) mal 3 a paa te; Pawl le gual huai siam uh aa, nasep zong muibun takin sem uh hi. Ahiang in tuh bang nasep pen sem di kinbawl ngeilo uh hi. Mai-et ngai uh hi.
• Suahni nambat (5) mal 1 a paa te; Mi kiim tawh kilem uh hi. Mite hanthawn thapia thei uh hi. Suahtakna lunggulh uh hi. Innkuan sung buaina nawngkaaina tuak thei uh hi. Mi buaina khat a huh zawh hangun ama' buaina phelzolo uh hi.
• Nambat (5) mal 2 a paa leh; Avallua aa gamtate ahi uh hi. Kham theih guih theih a limh zat mi a hi uh hi. Si le sa lam uuk deuh uh hi. Lungsim ngaihsutna thukpi neilo uh hi.
• Nambat (5) mal 3 a paa leh; Uk ham uh hi. Makai zong suak thei uh hi. A deih khat a ngah dong hih hi. Ahamsa khat peuh ol takin sem zo uh hi. Nidang aa a lawmngaih sang itna ngaihna lianzaw zong uh hi. Lawmngaih tawh buaina nei thei uh hi. Atam zawin mite ii muhdahte ahi uh hi.
• Suahni nambat (6) mal 1 a paa te; Veng le paam innkuan sung unau sung a it phadiakte ahi uh hi. Teeksiate zong kem uh hi. Hih bang mite pen innkuan sung buaina tawh kihon thei vanglak uh hi. Nu le pa hoih khut sung pan khangkhia uh hi. Atawpna ah khat tang cian thei mawk lai uh hi.
• Nambat (6) mal 2 a paa leh; Ki ukna lian nu le pa sung pan hong khangkhia mite ahi uh aa, Nu le pa dinmun a tun takciang tate tungah ukcipna nei uh hi. Tuaih manin nu le pa ukna khut sung panin paikhia uh aa, khual gamla ah om thei uh hi. Om dan hekzia a theilo phadeuh te ahi uh hi. Lungsim hang in taksa in buaina thuak thei di hi.
• Nambat (6) mal 3 a paa te; Lungsim patau, linglawng, lauthawng cih bangin om uh hi. Asia lam vive ngaihsun uh hi. A kisamhlo pi'n buaina zong thei uh hi. Uuk khat bek sephuai hi.
• Suahni nambat (7) mal 1 a paa leh; Thuakzawh hatna nei uh hi. Hamsatna khat kantan zo di ci'n um in. Thu muhna in amau adi'n sya ahi phadiak hi.
• Nambat (7) mal 2 a paa te; Bang zah ta'n hamsatna buaina hitaleh phelzo lemhzo uh hi. Na khat peuhpeuh ah a picing a lawhcing zo mite ahi uh hi.
• Nambat (7) mal 3 a paa leh; Khangto uh hi. Leitung pilna lam lunggulh mahmah uh hi. Hoihtakin lungsim pumpi a kikep siam nak vualeh muizang in minthang uh hi. Lungkia baih mahmah mi hi ciciat uh hi.
• Suahni nambat (8) mal 1 a paa te; Siangtho tak aa aom sitset te ahi uh hi. Nasep khat man nailo pi''n na nusia thei uh hi. Khut kholo uh hi.
• Nambat (8) mal 2 a paa leh; Mi tungah upna muanna a nei theilo mi ahi uh hi. Na khat peuhpeuh cimhtak baih mahmah uh hi.
• Nambat (8) mal 3 a paa leh; Neu tunng aa thu le la golkhit tak ciang kikhel pan hi. Sum zon paai zon na-ah mi lawhcingte ahi uh hi. Kilemna ngah di hamsa thei di hi.
• Suahni nambat (9) mal 1 a paa te; Athak khat peuhpeuh lunggulh hi. Mel hoih in, Ciim hi.
• Suahni nambat (9) mal 2 a paa leh; Lungsim lianpi neite ahi uh aa, khat pepeuh a nusia ngam a sumh ngam mipil milian miminthang ahi uh hi. Thu khat peuhpeuh ah dotna aom sak hamtang te ahi uh hi. Puatham lungsim tawh mi hopih uh hi. Lungsim kepcing di hamsa ahih man nisim in kimawlna ( excercise ) bawl di'n kilawm hi.
• Nambat (9) mal 3 apha te pen; lungsim ngaihsutna lian neite ahi uh aa, ahi zongin ngonghtat uh hi. A lamdang zah dongdi'n lungsim khauhpai mite ahi uh hi....

Zoplai di.........................
Lungdam.
--

anthonykimpu (SDB)