Itna ngaihna nangawn sum le paai tawh a ki lei dinmun ong hita mawk hi. Ak bang aa muh tawm ne aa om ni khat azon uh ni khat mah a khom uh innkuan khat ka muh ciang ka lung nuamhlo lua mahmah ahih man'n no zong ong hawmsawn nuam ingh. A tapa pen kum 6 khawng pha pan aa, a nu pen an sai-ah nasemin, a pa ahih leh inn lamhna ( construction ) ah nasem hi.
Ni khat a tapa sanng pan a ciah takteh kong khak gei-ah apa ngakin tu gige hi. A pa nasem ong tun takteh gim le tawl sa aa ong tung ahih mah bangin a tapa zong hopih manlo mai dan hi. A tapa pen apa gei-ah ong nai-in; "Pa, na nasep nitha bangzah ngah neita? ci'n dongh hi." A pa'n zong tawl tumteng tawh bang ahia nang theihnop ci'n hap khat na suah suk ziau hi. A tapa zong a pa kammal a zak takciang bangmah pau ngam nawnloin dai dide hi. A den ciang a pa zong ki awilo kik hi di ven, a tapa pa ii lu zut kawmin,,,,, "ka nasep nitha RM 50 bek ngah hi ei Bawi......... " sanng ah na syate ii thu mang inla, lai deih tak hahkat ve nicim maw....
Oi leh, Pa Koih! RM 10 khawng ong leitawi dih ve hehpihna tawh..... Tawl tumteng tawh a tapa kammal hangin a pa pen hansuak mahmah lai hi. Ahiang a ta hisam buang ahih teh ci-in pia gemgam suk hi. A tapa zong a lupna khan sung uah lut gige-in pek khat lai RM 1 alui nipnep hon khat leh sumtang (coin) kholna bung ong tuah khia leetleetin; " Pa, Ken sum ka kholkhol RM 40 bek nei hivengh nang nong leitawi sak tawh RM 50 liann nei ingh ei//// Heh..he..he.." Pa aw, nang nikhat khawng ong lei nuam hivengh. Nang tawh khut kilen in Pyramid sung khawngah vak khawm nuam ingh... Tu ciang kimawlna khawngah zong pai nuam ingh.... nang kiang pan kong leitawi RM zong ong loh kik pah ning maw... Pa? Tuziak aa ken nang ni khat sung bek ong nei nuam ingh... A kingah dia pa na Pu (Boss) te ong phal dia?, acih leh.....
Tua takciang a Pa zong a maimit luankhi gialbang hong kia datdat ta aa, a tapa kawi-in naubang hong kap ngeungeu mawk hi. Aw................ tu hun khanto gam mi' mun mi' lei-ah ei ZOMI te itna ngaihna, pianna Nu le Pa nangawn sum le paai tawh a ki lei di dan dinmun himawk i hiam....? Kongit Nu le Pate zong i tate limhtakin don kiim ciat tani ci'n ma ong zawnlai ingh...
No comments:
Post a Comment